Fənərbağçanın sabiq baş məşqçisi İsmail Kartal yol qəzasına düşüb

AzadAzərbaycan xəbər verir ki, Türkiyə mətbuatında yer alan məlumatlara görə, Fənərbağçanın sabiq baş məşqçisi İsmail Kartalla bağlı xoşagəlməz hadisə yaşanıb. Altmış beş yaşlı tanınmış mütəxəssis yol qəzası keçirib.

Hadisənin təcrübəli məşqçinin Samandıradan öz evinə dönən zaman baş verdiyi qeyd olunur. İlkin məlumatlara əsasən, baş verən yol-nəqliyyat hadisəsi İsmail Kartalın həyatı üçün heç bir təhlükə törətməyib.

Xatırladaq ki, bu hadisədən qısa müddət əvvəl Fənərbağça klubu baş məşqçi İsmail Kartalla yollarını ayırdığını rəsmən açıqlamışdı.