Mütəxəssislər sağlamlığa zərərli ola biləcək ən riskli ət növlərini açıqlayıb

Bəzi ət növlərinin yüksək doymuş yağ və duz tərkibi ilə ürək-damar sağlamlığına mənfi təsir göstərə biləcəyini vurğulayan mütəxəssislər xüsusilə dörd ət növünün istehlakında diqqətli olmağı tövsiyə edirlər.

AzadAzərbaycan xəbər verir ki, yağlı ət hissələrinin və emal olunmuş məhsulların həddindən artıq istehlakı pis xolesterin səviyyəsini yüksəldir, iltihablanma proseslərinə səbəb olur və ürək xəstəlikləri riskini artırır.

Qastroeneroloq Dr. Vojislav Perişiç mal ətinin dəmir, sink və D vitamini ilə zəngin olduğunu, digər bəzi ət növləri ilə müqayisədə daha yaxşı seçim olduğunu bildirir. Lakin mütəxəssislər yağlı bifteklər, quzu əti, donuz qabırgası və emal olunmuş sosislər kimi məhsulların istehlakında ölçülü olmağı məsləhət görürlər.

Mütəxəssislər sağlamlığı qorumaq üçün təkcə zülal miqdarına deyil, ətin yağ və duz tərkibinə də diqqət yetirməyi, daha balanslı qidalanma vərdişləri qəbul etməyi tövsiyə edirlər.