Uzun müddət davam edən öskürəyin yaranma səbəbləri və aradan qaldırılma yolları
AzadAzərbaycanRedaksiyaHəftələrlə keçməyən öskürək təkcə soyuqdəymə deyil, müxtəlif sağlamlıq problemlərindən xəbər verə bilər.
Uzun müddət davam edən öskürək bir çox insanın qarşılaşdığı ümumi problemlərdən biridir. Bəzən adi soyuqdəymədən sonra yaranan bu hal həftələrlə davam edə bilər, lakin öskürəyin səbəbi hər zaman tənəffüs yolu infeksiyası olmur.
Mütəxəssislərin fikrincə, keçməyən öskürəyin arxasında virus infeksiyaları, allergiya, astma, mədə turşusunun qida borusuna qayıtması, siqaret tüstüsü və müxtəlif ağciyər xəstəlikləri dayana bilər.
Öskürəyi azaltmaq üçün gün ərzində kifayət qədər maye qəbul etmək, otağın havasını nəmli saxlamaq, ilıq içkilərdən istifadə etmək və qıcıqlandırıcı amillərdən uzaq durmaq tövsiyə olunur.
Mütəxəssislər xəbərdarlıq edirlər ki, öskürək üç həftədən çox davam edərsə, yüksək hərarət, nəfəs darlığı və ya digər narahatedici əlamətlər müşahidə olunarsa, mütləq həkimə müraciət edilməlidir.
