Tramp Səudiyyə Ərəbistanını husilərə qarşı İsrailin köməyini qəbul etməyə səsləyib

AzadAzərbaycan xəbər verir ki, Birləşmiş Ştatların dövlət başçısı Donald Tramp Səudiyyə Ərəbistanının Yəməndə "Ənsar Allah" hərəkatına (husilər) qarşı mübarizədə İsrailin təklif etdiyi köməyi qəbul etməsinin vacibliyini diqqətə çatdırıb.

Ağ Evdə jurnalistlərin suallarına cavab verən ABŞ lideri vurğulayıb ki, Təl-Əviv artıq Ər-Riyada əhəmiyyətli dərəcədə yardım göstərib və bu dəstək gələcəkdə də davam edəcək.

Dövlət başçısı eyni zamanda Səudiyyə Ərəbistanının İsraillə münasibətlərin normallaşdırılmasını nəzərdə tutan İbrahim sazişlərinə qoşulması məsələsinə toxunub. O, bu ehtimalın hazırda əvvəlkindən daha yüksək olduğunu təsdiqləyib.

İbrahim sazişlərini Vaşinqtonun ən mühüm uğurlarından biri kimi qiymətləndirən Tramp Ər-Riyadın həm İsrailin, həm də Birləşmiş Ştatların dəstəyindən məmnunluq duyduğunu əlavə edib.