Ukrayna Avropanın yeni anti-balistik sisteminin işlərini tamamlayıb

AzadAzərbaycan xəbər verir ki, Ukrayna Avropanın anti-balistik sistemi olan Freyja üzərindəki işlərin öz hissəsini yekunlaşdırıb. İndi isə layihədə iştirak edən digər on tərəfdaş ölkənin öz komponentlərinin hazırlanmasını başa çatdırması gözlənilir.

Bunun ardından layihə praktiki sınaq mərhələsinə qədəm qoymalıdır. Ukrayna Prezidenti Vladimir Zelenski tərəfdaş dövlətləri birgə sınaqlara tezliklə başlamaq üçün işləri sürətləndirməyə dəvət edib.

Qeyd edək ki, Freyja layihəsi ballistik raketlərin zərərsizləşdirilməsində Amerika istehsalı olan Patriot sistemlərinə daha sərfəli alternativ kimi nəzərdə tutulub. Təşəbbüs hava hücumundan müdafiə sisteminin müxtəlif komponentləri üzrə ixtisaslaşan on ölkənin texnoloji potensialını birləşdirir.

Bu proqramın uğurla reallaşdırılması Avropa ölkələrinə ABŞ-dən asılı olmadan öz hava məkanını müstəqil şəkildə qorumaq imkanı qazandıracaq.