Biləsuvarda məhkəmə hökmləri ilə müsadirə edilən narkotiklər yandırılaraq məhv edilib

AzadAzərbaycan xəbər verir ki, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu və Biləsuvar rayon komissiyasının birgə fəaliyyəti nəticəsində növbəti məhvetmə prosesi həyata keçirilib.

Tədbir zamanı ümumilikdə 39 məhkəmə hökmü ilə barəsində məhvetmə qərarı çıxarılan narkotik vasitələr, psixotrop maddələr və onların prekursorları xüsusi qaydada yandırılaraq zərərsizləşdirilib.

Məhvetmə prosesi Dövlət Komissiyası İşçi Qrupunun əməkdaşının bilavasitə nəzarəti və iştirakı ilə baş tutub. Prosesin gedişatı videogörüntüyə alınıb və müvafiq aktlara əlavə olunub.