İsrail və Yunanıstan Aralıq dənizində birgə hərbi təlimlər keçirib

AzadAzərbaycan xəbər verir ki, Türkiyə ilə münasibətlərdə artan gərginlik müstəvisində İsrail və Yunanıstan Aralıq dənizinin sularında birgə dəniz təlimləri təşkil ediblər.

Hərbi manevrlərdə Yunanıstan Hərbi Dəniz Qüvvələrinə məxsus gəmilər və İsrailin raket kreyserləri yer alıb. İsrail Müdafiə Qüvvələrindən bildirilib ki, təlimlər zamanı dənizdəki təhlükələrin müəyyən edilməsi və zərərsizləşdirilməsi, gəmilərarası birgə fəaliyyət, eləcə də şərti düşmən gəmilərinin raket zərbələri ilə məhv edilməsi ssenariləri işlənilib.

Sözügedən hərbi təlimlər Liviya ilə Türkiyə arasında Aralıq dənizində dəniz sərhədlərinə dair razılaşmanın ratifikasiya edilməsindən dərhal sonra gerçəkləşib. Qeyd edək ki, İsrail, Yunanıstan və digər bir neçə dövlət bu sazişə etiraz edirlər.