İxtisara düşən şəxslərə sığorta ödənişinin verilməsi imkanları açıqlandı

Azərbaycan Mərkəzi Bankının Sığorta vasitəçilərinə nəzarət şöbəsinin rəisi Ramin Cəfərovun sözlərinə görə, ixtisara düşən bəzi işçilərə sığorta ödənişi verilə bilər.

O qeyd edib ki, qeyri-həyat sığortası çərçivəsində işçinin ixtisara düşməsi və işini itirməsi nəticəsində yaranan maliyyə riskləri üzrə də ödəniş almaq mümkündür.

Azərbaycan Sığortaçılar Assosiasiyasının ekspert qrupunun üzvü Emil Ağabağırov isə vurğulayıb ki, bu təminat hər ixtisara düşən şəxsə şamil olunmur.

Mütəxəssisin fikrincə, əmək müqaviləsinə hansı əsasla xitam verilməsi, sığorta hadisəsinin müqavilədə necə müəyyənləşdirilməsi və hansı istisnaların nəzərdə tutulması mühüm əhəmiyyət kəsb edir.