Məşhur aktrisa Cudi Denç görmə qabiliyyətini itirdiyi üçün sənətdən uzaqlaşıb

Dünyaca məşhur "Ceyms Bond" filmlərinin ulduzu Cudi Denç görmə qabiliyyətini itirməsi səbəbindən kino çəkilişlərindən imtina etməli olub.

Britaniyalı 91 yaşlı sənətçi artıq heç bir filmdə rol ala bilmədiyini, teatr səhnəsinə çıxa bilmədiyini və sərbəst şəkildə oxuya bilmədiyini etiraf edib. Qeyd edək ki, "Oskar" mükafatlı aktrisaya hələ 2012-ci ildə yaşla əlaqədar makula degenerasiyası diaqnozu qoyulmuşdu.

Zaman keçdikcə xəstəlik onun gündəlik həyat tərzinə və peşəkar fəaliyyətinə mənfi təsirini artırıb. Aktrisa hazırda daha çox radio dinləməklə vaxt keçirir və diqqətini səhhətindəki çətinliklərdən yayındırmağa çalışır.