Nihat Kahveci canlı yayımda tənqidlərə sərt reaksiya verib

AzadAzərbaycan xəbər verir ki, Türkiyə milli komandasının keçmiş futbolçusu və idman şərhçisi Nihat Kahveci canlı yayım zamanı ona ünvanlanan tənqidlərə kəskin reaksiya göstərib. O, "Beşiktaş" klubu ilə bağlı fikirlərini efirdəki mövqeyini saxlaması üçün dediyinə dair irəli sürülən iddiaları qəbul etməyib.

Hadisə "Kontraspor"un YouTube kanalındakı proqramda yaşanıb. Şərhçi aparıcı Nebil Evrenlə söhbət əsnasında "Beşiktaş" barədə səsləndirdiyi rəylərin şəxsi maraqlarla əlaqələndirilməsinə kəskin narazılığını bildirib.

Kahveci tənqidçisinə üz tutaraq onu tərbiyəsizlikdə ittiham edib və sərt sözlər işlədib. O, həmin şəxsin adının Taner Bilgin olduğunu vurğulayaraq onun kimliyini belə tanımadığını qeyd edib. Şərhçinin bu emosional çıxışı sosial şəbəkələrdə böyük rezonans doğurub.