Atlantik Şurası: Tramp və Putinin planları uğursuzluğa məhkumdur

ABŞ Konqresinin və geniş ictimaiyyətin göstərdiyi güclü təzyiq Amerika lideri Donald Trampı Kreml rəhbərliyinə edilən güzəştlərdən imtina etməyə və Kiyevə verilən dəstəyi artırmağa vadar edə bilər.

Son həftələr ərzində Vaşinqton Rusiyaya qarşı tətbiq olunan sanksiya təzyiqlərini zəiflədib, Ukraynanı tənqid edib və guya ölkənin müdafiəsi üçün ABŞ texnologiyalarının tətbiqinə müəyyən məhdudiyyətlər qoyub.

Bunun ardınca Donald Tramp Rusiya tərəfi ilə dizel yanacağının tədarükü ilə bağlı razılaşma elan edib və ardınca Ukraynadan Rusiyanın neft emalı zavodlarına zərbələr endirməməyi tələb edib. Buna baxmayaraq, Moskva Ukraynanın enerji infrastrukturunu hədəf almağa davam edib.

Qeyd olunan hadisələr fonunda Ukraynanın Amerikanın "Starlink" və "Starshield" peyk sistemlərindən istifadəsində çətinliklər yaranıb. Ağ Ev bu xidmətlərin məhdudlaşdırılması barədə göstəriş verdiyini təkzib etsə də, yaranan vəziyyət Birləşmiş Ştatlarda kəskin tənqidlərə yol açıb.

Hər iki siyasi partiyanın təmsilçiləri Kremlə edilən yaxınlaşma cəhdlərinə qəti şəkildə qarşı çıxıblar. Konqresmenlər isə hökumətin bu siyasətinin dərindən araşdırılmasını tələb etməyə başlayıblar.