Biləsuvarda ağır qəza: “Mersedes” aşdı, ölü və yaralı var

AzadAzərbaycan xəbər verir ki, Biləsuvar rayonunda ölümlə nəticələnən ağır yol qəzası qeydə alınıb.

Hadisə Biləsuvar-Bəhrəmtəpə avtomobil yolunda baş verib. Belə ki, 1989-cu il təvəllüdlü Elvin Məhərrəmovun idarə etdiyi “Mersedes” markalı nəqliyyat vasitəsi idarəetmədən çıxaraq aşıb.

Qəza nəticəsində sürücü müxtəlif dərəcəli bədən xəsarətləri alaraq İmişli Rayon Mərkəzi Xəstəxanasına yerləşdirilib.

Avtomobildə olan digər sərnişin – 1996-cı il təvəllüdlü Elnur Rüstəmov isə aldığı ağır zədələrdən hadisə yerində həyatını itirib.

Faktla bağlı aidiyyəti qurumlar tərəfindən araşdırma aparılır.