Dəsmallardakı xoşagəlməz qoxunu aradan qaldırmağın sadə üsulu

Dəsmallar nə qədər yuyulsa da, üzərindəki narahatverici nəm və rütubət qoxusu hər zaman aradan qalxmaya bilər. Belə hallarda problemi yalnız yuyucu tozda deyil, həm də parça liflərində toplanan qalıqlarda axtarmaq lazımdır.

AzadAzərbaycan xəbər verir ki, mütəxəssislər bu cür xoşagəlməz qoxuların qarşısını almaq üçün paltaryuyan maşının barabanına bir qaşıq karbonat əlavə etməyi məsləhət görürlər. Bununla yanaşı, yuyucu tozu öz standart bölməsinə tökmək tövsiyə olunur.

Mütəxəssislər qeyd edirlər ki, karbonat hər vəziyyətdə qoxunu tam aradan qaldırmaya bilər, buna görə də onu köməkçi vasitə kimi qiymətləndirmək lazımdır. Dəsmallarda nəm qoxusunun yaranmaması üçün bir neçə əsas qaydaya əməl etmək vacibdir.

Yuma prosesi bitən kimi dəsmalları dərhal maşından çıxarmaq, onların tam qurumasını təmin etmək və maşının qapağını bir müddət açıq saxlamaq lazımdır. Həmçinin yuyucu tozdan həddindən artıq istifadə etməmək və maşını həddən artıq doldurmamaq tövsiyə olunur.