Xalq artisti Məleykə Əsədova mərhum bacısı qızının faciəli taleyindən danışıb

Azərbaycanın Xalq artisti Məleykə Əsədova yaxın zamanlarda İranda dünyasını dəyişən bacısı qızı Minanın çətin və faciəli taleyi barədə ətraflı məlumat verib. Aktrisa bu barədə televiziya proqramlarının birində danışıb.

Onun sözlərinə görə, ailə illər öncə də ağır itki ilə üzləşib. Belə ki, 2008-ci ildə baş verən bədbəxt hadisə nəticəsində qaz sızmasından zəhərlənmə olub və 13 yaşlı qız həyatını itirib. Mina isə həmin hadisədən sağ qurtula bilib. Daha sonra ailə həyatı quran Minanın üç övladı dünyaya gəlib.

Lakin sonradan onun səhhətində ciddi problemlər yaranıb. Hamiləliyin yeddinci ayında xəstəlik aşkarlanan Minanın övladı vaxtından əvvəl dünyaya gətirilib. Xalq artisti bildirib ki, mərhumun azyaşlı övladlarına hələ də analarının vəfat etməsi tam olaraq bildirilməyib.