Albaniya paytaxtında etiraz aksiyaları yenidən alovlanıb

AzadAzərbaycan xəbər verir ki, Albaniyanın paytaxtı Tiranada kütləvi aksiyalar yenidən alovlanıb.

Məlumatda göstərilir ki, hökumət başçısı Edi Ramanın iqamətgahı ətrafında nümayişçilərlə hüquq-mühafizə orqanı əməkdaşları arasında toqquşmalar qeydə alınıb.

Baş nazirin istefa verməsini tələb edən vətəndaşlar polislərə qarşı "Molotov kokteyli" işlədiblər. Onlar dialoq çağırışına etiraz olaraq plastik oturacağı odda yandırıblar. Təhlükəsizlik qüvvələri isə toplaşanları ərazidən uzaqlaşdırmağa müvəffəq olublar.

Xatırladaq ki, bundan əvvəl hökumət rəhbəri sülh yolu ilə danışıqlara üstünlük verdiyini vurğulayaraq bir neçə stulu bayıra, iqamətgahının önünə çıxarmışdı.