Sergen Yalçının Türkiyə millisində qazanacağı maaş məbləği açıqlanıb

Vinçentso Montella ilə yolların ayrılmasından sonra Türkiyə milli komandasının baş məşqçisi postuna gətirilən Sergen Yalçının qazanacağı məbləğ bəlli olub.

AzadAzərbaycan xəbər verir ki, Türkiyə mətbuatında yayılan məlumatlara görə, təcrübəli mütəxəssisin illik qazancı 2,5 milyon avro təşkil edəcək.

Onunla dördillik müqavilənin imzalanacağı nəzərdə tutulur və sazişdə 1 milyon 50 min avro məbləğində təzminat şərti də yer alıb.

Hələlik tərəflər arasında imzalanacaq müqavilənin maliyyə detalları ilə bağlı rəsmi qurumlar tərəfindən h hansı açıqlama verilməyib.