Aleksey Batrakovun sərbəstqalma bəndinin məbləği bəlli olub
AzadAzərbaycanRedaksiyaQalatasarayın heyətinə qatdığı rusiyalı yarımmüdafiəçi Aleksey Batrakovun müqaviləsindəki sərbəstqalma məbləği açıqlanıb.
Qalatasarayın heyətinə cəlb etdiyi rusiyalı futbolçu Aleksey Batrakovun transferi ilə bağlı yeni detallar məlum olub.
AzadAzərbaycan xəbər verir ki, 21 yaşlı yarımmüdafiəçinin meneceri Vladimir Kuzmiçev oyunçunun müqaviləsində sərbəstqalma bəndinin 55 milyon avro təşkil etdiyini bildirib.
Agentin sözlərinə görə, hələlik Avropanın aparıcı klublarından futbolçu üçün konkret təklif daxil olmayıb və digər komandalar onun Türkiyə çempionatındakı çıxışını izləməyə üstünlük verirlər.
Xatırladaq ki, Qalatasaray Aleksey Batrakovu 2026-cı ilin yayında Moskva Lokomotivindən transfer edib və tərəflər arasında 2031-ci ilin yayına qədər müqavilə imzalanıb.
