Arda Güler "Real Madrid"in əfsanəvi futbolçularını geridə qoydu

Türkiyə millisinin və "Real Madrid" klubunun istedadlı yarımmüdafiəçisi Arda Güler İspaniya təmsilçisindəki performansıyla diqqətləri üzərinə çəkməyi bacarıb.

Gənc futbolçu Madrid klubunun forması ilə çıxdığı ilk 123 matçda 21 dəfə rəqib qapısına yol tapıb və 30 məhsuldar ötürmə ilə yadda qalıb. Onun bu göstəriciləri klubun əfsanəvi simalarının eyni sayda oyundakı nəticələri ilə müqayisə edilib.

Müqayisə nəticəsində məlum olub ki, Toni Kroos ilk 123 matçında 3 qol və 38 assist, Luka Modriç 7 qol və 21 məhsuldar ötürmə, Quti isə 13 qol və 11 məhsuldar ötürmə ilə yadda qalıb.

Beləliklə, Arda Güler ümumi qol töhfəsi baxımından Luka Modriç və Qutini qabaqlamağı bacarıb. O, məhsuldar ötürmələrin sayına görə isə yalnız almaniyalı ulduz Toni Kroosdan geri qalır.

İstedadlı idmançının qeydə alınan bu statistikası onun "Real Madrid"dəki oyununun nə qədər səmərəli və uğurlu olduğunu bir daha açıq şəkildə nümayiş etdirir.