Azərbaycanda ötən gün cinayət törətməkdə şübhəli bilinən 50 nəfər saxlanılıb

AzadAzərbaycan xəbər verir ki, Azərbaycanda oktyabrın 23-də cinayət törətməkdə şübhəli bilinən 50 nəfər saxlanılıb.

Daxili İşlər Nazirliyindən verilən məlumata görə, ötən gün həyata keçirilən tədbirlər çərçivəsində narkotiklərlə əlaqəli 14 fakt müəyyən edilib.

Eyni zamanda, qanunsuz saxlanılan silah-sursatın aşkarlanması və götürülməsi istiqamətində 5 fakt qeydə alınıb.

Bundan əlavə, polis əməkdaşlarının keçirdiyi əməliyyatlar nəticəsində dələduzluq əməliyyatlarına görə axtarışda olan 8 nəfər tutularaq istintaqa təhvil verilib.