İran Prezidenti Məsud Pezeşkian yaxın günlərdə Moskvaya səfər edəcək

AzadAzərbaycan xəbər verir ki, İran Prezidenti Məsud Pezeşkian gələn həftə Rusiya paytaxtı Moskvaya rəsmi səfər edəcək.

Danışıqlar zamanı tərəflər ölkələr arasında siyasi, həmçinin iqtisadi əlaqələrin dərinləşdirilməsi yollarını nəzərdən keçirəcəklər. Eyni zamanda, müxtəlif regional və beynəlxalq gündəmdə duran aktual məsələlər ətrafında fikir mübadiləsi aparılacağı gözlənilir.

İranın xarici işlər naziri Abbas Əraqçi bildirib ki, ötən həftə rusiyalı həmkarı Sergey Lavrovla baş tutan görüşdə ikitərəfli münasibətlərin cari vəziyyəti müzakirə olunub.

Onun sözlərinə görə, gələcək razılaşmaların həyata keçirilməsi, strateji tərəfdaşlığın möhkəmləndirilməsi və regionda sabitliyin qorunması məqsədilə məsləhətləşmələr davam etdiriləcək və bu müzakirələr dövlət başçılarının səviyyəsində Moskvada davam etdiriləcək.