Ölüm xəbərləri yayılan Kim Çen İn Çinə gözlənilməz səfər edib

AzadAzərbaycan xəbər verir ki, Şimali Koreya lideri Kim Çen İn Çin Xalq Respublikasına gözlənilməz səfərə gedib. Bu barədə sərhəd mənbələri məlumat yayıblar.

Məlumata görə, KXDR rəhbərinin qatarı Çinin Lioninq vilayətinin Dandonq ərazisinə çatib. Kim Çen İnin bu səfəri iki dövlətin sərhədində yerləşən Yeni Yalu Çayı Körpüsü vasitəsilə gerçəkləşib.

Hələlik baş tutan səfərin məqsədi və digər təfərrüatları barədə geniş məlumat təqdim olunmayıb. Xatırladaq ki, bundan bir neçə gün öncə beynəlxalq mətbuatda Şimali Koreya liderinin vəfat etməsi ilə bağlı şayiələr yayılmışdı.