Daşkəsən, Tovuz və Şəmkir rayonlarının bəzi hissələrində qaz verilişi dayandırılacaq
AzadAzərbaycanRedaksiyaŞəmkir Regional Qaz İstismarı İdarəsinin məlumatına əsasən, təmir və quraşdırma işləri ilə əlaqədar üç rayonda qaz təchizatı müvəqqəti fasilələrlə üzləşəcək.
Respublikanın üç rayonunda – Daşkəsən, Tovuz və Şəmkir bölgələrinin müəyyən ərazilərində mavi yanacağın verilişində müvəqqəti məhdudiyyətlər tətbiq olunacaq.
Şəmkir Regional Qaz İstismarı İdarəsindən verilən məlumata görə, bu addım "Qaz İxrac" İdarəsi tərəfindən həyata keçiriləcək vacib təmir-quraşdırma tədbirləri, eləcə də aşkar olunmuş qaz sızmalarının aradan qaldırılması məqsədilə atılır.
Bununla əlaqədar olaraq, noyabrın 4-ü səhər saat 09:00-dan etibarən işlər tam yekunlaşana qədər Daşkəsən rayonunun Qaraqollar, Qazaxyolçu, Zağalı və Xoşbulaq kəndlərində, həmçinin Tovuz rayonundakı "Alakol Sənaye" və Şəmkir rayonundakı "Çinarlı Sənaye" ölçü qovşaqlarında qaz təchizatı dayandırılacaq.
Qeyd edək ki, qaz təchizatındakı bu fasilə yalnız göstərilən ölçü qovşaqları üzrə qeyri-əhali abonentlərini əhatə edəcək.
