Məcburi köçkün statusunun verilməsi qaydalarında yeni dəyişiklik edilib

AzadAzərbaycan xəbər verir ki, ölkəmizdə məcburi köçkün statusunun və müvafiq vəsiqənin verilməsi qaydalarında yeniliklər edilib.

Qaçqınların və Məcburi Köçkünlərin İşləri üzrə Dövlət Komitəsinin qərarına əsasən, artıq məcburi köçkünlüyü yaradan hallardan əvvəl işğal olunmuş rayonun sakini ilə nikahda olan, lakin öz rayonundan pasport qeydiyyatından çıxmayaraq işğaldan sonra həyat yoldaşının yaşayış yeri üzrə qeydiyyata düşən kişilərə də məcburi köçkün statusu və vəsiqə veriləcək.

Xatırladaq ki, bundan əvvəlki qaydalara görə, yalnız işğal olunmuş rayonun sakini ilə nikahda olub həmin dövrdən sonra ərinin yaşayış yeri üzrə qeydiyyata düşən qadınlara belə statusun verilməsi nəzərdə tutulurdu.