Dino Ndlovu dələduzluq qurbanı olub: Yüz minlərlə manat itirdi

"Qarabağ"ın keçmiş futbolçusu Dino Ndlovu uğursuz biznes fəaliyyəti nəticəsində ciddi məbləğdə maliyyə itkisi ilə qarşılaşıb. Cənubi Afrika mətbuatının yaydığı məlumata əsasən, 36 yaşlı sabiq hücumçu Dubay ilə əlaqəli şəxslərin yer aldığı beynəlxalq biznes razılaşması zamanı 5 milyon randdan (təxminən 513 min manat) çox vəsait itirib. Ndlovu bildirib ki, sövdələşmədə yer alan tərəflər pulu mənimsədikdən sonra bütün əlaqələri kəsiblər.

İtirtdiyi vəsaiti bərpa etmək istəyən keçmiş futbolçu özəl detektiv xidmətindən istifadə edib və bu məqsədlə əlavə olaraq bir milyon rand (yaklaşık 102.6 min manat) xəcləyib. Nəticədə onun ümumi zərərinin 6 milyon randa (təxminən 615.7 min manat) çatdığı qeyd olunur.

Qeyd edək ki, Dino Ndlovu hazırda xrom hasilatı sektorunda sahibkarlıq fəaliyyətini davam etdirir. O, bundan əvvəl də gecə klubu, istirahət mərkəzi və qonaq evi kimi biznes sahələrində çalışıb. Sabiq hücumçu gələcək planlarında futbol klubu sahibi olmaq və oyunçu agenti kimi fəaliyyət göstərmək istədiyini vurğulayıb.

Xatırladaq ki, cənubi afrikalı forvard 2016-2018-ci illər aralığında "Qarabağ" klubunun şərəfini qoruyub. O, Ağdam təmsilçisinin heyətində keçirdiyi 54 rəsmi matçda 19 qol vurub və 7 məhsuldar ötürmə müəllifi olub.