Azərbaycanda bələdiyyələrə növbəti ildə də dövlət büdcəsindən vəsait ayrılacaq

AzadAzərbaycan xəbər verir ki, 2027-ci ildə ölkənin dövlət büdcəsi xərclərinin kiçik bir hissəsi - 9,05 milyon manatı bələdiyyələrə edilən ayırmaların payına düşəcək. Bu rəqəm "2027-ci il dövlət büdcəsi haqqında" qanun layihəsində əksini tapıb.

Ayrılacaq ümumi vəsaitin strukturuna əsasən, yerli özünü idarəetmə orqanlarına dotasiya qismində 7,5 milyon manat, subvensiya şəklində isə 1,55 milyon manatın verilməsi planlaşdırılır.

Qeyd edək ki, qarşıdakı il üzrə büdcə gəlirlərinin 39 milyard 254 milyon manat, xərclərinin isə 42 milyard 400 milyon manat səviyyəsində olacağı gözlənilir.