Əməkdar artist Nahidə Orucova ailəsinin dağılmasından danışıb

Azərbaycanın əməkdar artisti Nahidə Orucova şəxsi həyatı ilə bağlı səmimi açıqlamalar verib. O, ailəsinin dağılmasının əsas səbəbinin qısqanclıq olduğunu bildirib.

Aktrisa qatıldığı televiziya proqramında bildirib ki, keçmiş həyat yoldaşı onun qarşısında çətin seçim qoyub. O, ailəsi ilə sənəti arasında qaldığını və sonuncuya üstünlük verdiyini qeyd edib.

Orucova həmçinin vurğulayıb ki, həmin dövrdə maddi və ya fəxri adlar barədə düşünməyiblər. Onun sözlərinə görə, əsas məqsəd sənəti uca tutmaq olub və gənc nəsil də bu yoldan dərs çıxarmalıdır.