Hollivud ulduzlarının malik olduğu ən qeyri-adi və maraqlı daşınmaz əmlaklar

Dünyanın tanınmış simaları yalnız dəbdəbəli malikanələrə deyil, həm də olduqca qeyri-adi obyektlərə sərmayə yatırırlar. Onların maraqlı alışları arasında avokado fermaları, özəl adalar, nəhəng su parkları və hətta qəbiristanlıq məzarları yer alır.

People jurnalı bu cür fərqli əmlaklara sahib olan məşhurların siyahısını ictimaiyyətə təqdim edib. Siyahıda aktrisa Sandra Bullokun Kaliforniyadakı nəhəng avokado ferması, Robert Redfordun Yutada yaratdığı geniş dağ kurortu və tanınmış aparıcı Bear Qrillsin Uels sahillərindəki adası xüsusi yer tutur.

Həmçinin məşhur müğənni Selin Dionun Floridadakı nəhəng su parkı olan malikanəsi, aktyor Nikolas Keycin Yeni Orleandakı piramida formalı daş məzarı, Leonardo DiKaprionun Belizdəki ekoloji adası və rejissor Corc Lukasın xüsusi yanğınsöndürmə bölməsi olan Kaliforniya rançosu da həmin siyahıdadır.