Misli Premyer Liqasında XI turun növbəti matçları keçiriləcək

Azərbaycan Premyer Liqasında XI turun növbəti oyunları bu gün azarkeşlərlə görüşə gələcək. Günün ilk matçında turnir cədvəlinin aşağı pillələrində qərarlaşan komandalar üz-üzə gələcəklər.

SOCAR Polymer Arena-da baş tutacaq qarşılaşmada "Şəfa" və "Araz-Naxçıvan" kollektivləri münasibətlərə aydınlıq gətirəcəklər. Cari mövsüm hələlik qələbə sevinci yaşamayan Naxçıvan təmsilçisi ilk uğurunu qazanmağa çalışacaq, paytaxt klubu isə yaxın izləyicisini üstələyərək mövqeyini möhkəmlətmək niyyətindədir. Görüş saat 16:00-da start götürəcək.

Günün digər qarşılaşmasında isə "Zirə" doğma meydanda "Qəbələ"ni qəbul edəcək. Zirə İdman Kompleksinin stadionunda keçiriləcək bu matç saat 18:30-da başlayacaq. Hazırda turnir cədvəlində "Zirə" 16 xalla altıncı, "Qəbələ" isə 8 xalla onuncu sırada qərarlaşıb.

Qeyd edək ki, turun əvvəlki oyunlarında "Turan Tovuz" "Qarabağ"ı, "Neftçi" isə "Kəpəz"i eyni hər hesabla - 1:0 məğlub etməyi bacarıb.