Nikol Paşinyan Türkiyə ilə sərhədin açılması prosesindən danışdı

Ermənistan hökuməti Türkiyə ilə sərhədlərin açılması məqsədilə həm rəsmi Ankara, həm də Bakı ilə sıx təmasları və əməkdaşlığı davam etdirir. Bu barədə ölkənin Baş naziri Nikol Paşinyan keçirdiyi mətbuat konfransında bəyan edib.

Hökumət başçısı qeyd edib ki, sözügedən məsələ ilə bağlı Azərbaycan tərəfinin müəyyən mövqeyi və qeyd-şərtləri mövcuddur. İki ölkə arasında sərhədlərin bərpası və kommunikasiyaların açılması prosesi hazırda məhz bu mərhələdədir.

Nikol Paşinyan vurğulayıb ki, yekun və konkret nəticələrə nail olmaq üçün həm Bakı, həm də Ankara ilə diplomatik işlər aralıqsız şəkildə sürdürülür.