SOCAR prezidenti Rövşən Nəcəf dünyanın ən hündür nöqtəsi olan Everest zirvəsinə çıxıb

Azərbaycan Dövlət Neft Şirkətinin (SOCAR) prezidenti Rövşən Nəcəfin adı dünyanın ən hündür nöqtəsi olan Everest zirvəsini fəth edənlərin siyahısına daxil edilib.

Məlumatda qeyd olunur ki, Azərbaycan vətəndaşı olan Rövşən Nəcəf 2025-ci il mayın 18-də sözügedən zirvəyə uğurla yüksəlib. Həmin vaxt onun 43 yaşında olduğu və Cənub aşırımı–Cənub-şərq silsiləsi marşrutundan istifadə etdiyi bildirilir.

Xatırladaq ki, Rövşən Nəcəf 2022-ci ilin iyul ayından SOCAR-ın prezidenti vəzifəsini icra edir.

İndiyə qədər Everestə qalxan azərbaycanlılar arasında İsrafil Aşurlu, Murad Aşurlu, Vadim Vokryaçko, Elmira Aslanova, Vəfa Musayeva və indi də Rövşən Nəcəfin adları yer alır.