Tailand sahillərində tapılan naməlum metal top əhəmiyyətli narahatlıq doğurub

AzadAzərbaycan xəbər verir ki, Tailandın Ko Mai Phai adasının sahilində mənşəyi hələlik qaranlıq qalan naməlum metal top aşkar edilib.

Sözügedən obyekt noyabrın 1-də Hat Noppharat Thara - Mu Ko Phi Phi Milli Parkının ərazisində qoruqçular tərəfindən qeydə alınıb.

Vəziyyətlə əlaqədar Tailandın Geoinformatika və Kosmik Agentliyi adaya xüsusi tədqiqat qrupu ezam edib. Mütəxəssislər araşdırmalar başa çatdıqdan sonra ictimaiyyətə ətraflı məlumat verəcəklər.

Yerli hakimiyyət strukturları isə təhlükəli kimyəvi maddələrin sızması ehtimalını nəzərə alaraq, vətəndaşları və turistləri kosmik zibilləri xatırladan bu cür naməlum əşyalara toxunmamağa çağırıb.