Abdullah Öcalanın azadlığa çıxması və yeni yaşayış yeri müzakirələrə səbəb olub

PKK terror təşkilatının başçısı Abdullah Öcalanın Silahsızlanma və Strateji Koordinasiya Alt Komissiyasının üzvü təyin edildiyi bildirilib.

AzadAzərbaycan xəbər verir ki, Zəfər Partiyasının sədri Ümid Özdağ bu təyinatdan sonra Öcalanın məhkumluğunun başa çatdığını qeyd edib.

Siyasətçi vurğulayıb ki, qanunvericiliyə əsasən məhkum şəxs komissiya üzvü ola bilməz və artıq Öcalan həbsxanada deyil, xüsusi olaraq inşa edilmiş villada yaşayacaq.

Onun sözlərinə görə, həmin malikanədə köməkçiləri ilə birlikdə qalacaq Öcalan siyasi fəaliyyətini də məhz buradan idarə edəcək.