Anadolu mətbəxinin məşhur ləzzəti: Sömelek küftəsinin hazırlanma qaydası

Nazik bulğur və mannanın ədviyyatlarla yoğrulub xüsusi forma verildiyi, suda bişdikdən sonra kərə yağlı və nanəli sousla birləşdirilən 'Sömelek' küftəsi Türk mətbəxinin ən sevilən ləzzətlərindən biridir.

Xəmirin hazırlanması üçün xırda bulğur və mannanın üzərinə isti su tökülərək 10-15 dəqiqə dəmlənilir. Daha sonra şişmiş bulğura qiymə, yumurta, un, bibər tomatı və ədviyyatlar əlavə olunaraq yaxşıca yoğrulur.

Hazırlanan xəmirdən fındıqdan bir qədər böyük tikələr qoparılarak çeçələ barmaq qalınlığında silindr forması verilir və duzlu qaynar suda bişirilir.

Tavada kərə yağı və zeytun yağı qızdırılaraq tomatlar qovrulur, sous hazırlandıqdan sonra küftələr əlavə edilərək qarışdırılır. Sonda sarımsaqlı süzmə qatıq üzərində süfrəyə verilir.