"Atəşgah" Sığorta və "Liv Bona Dea" Hospital arasında əməkdaşlıq müqaviləsi

"Atəşgah" Sığorta Şirkəti ASC ilə "Liv Bona Dea" Hospital arasında əməkdaşlıq müqaviləsi imzalanıb. Əməkdaşlığın əsas məqsədi sığortalıların tibbi xidmətlərə əlçatanlığını artırmaq, onların keyfiyyətli səhiyyə xidmətlərindən yararlanmaq imkanlarını genişləndirmək və müştəri məmnuniyyətini yüksəltməkdir. Tərəfdaşlıq, həmçinin sığorta və səhiyyə sektorları arasında qarşılıqlı əməkdaşlığın gücləndirilməsinə və bu sahələr üzrə xidmət keyfiyyətinin inkişafına töhfə verməyi nəzərdə tutur. Müqaviləyə əsasən, "Atəşgah" Sığortanın müştəriləri "Liv Bona Dea" Hospitalda müvafiq tibbi xidmətlərdən yararlana biləcəklər.