Azərbaycan mediasının Vətən müharibəsindəki roluna həsr olunmuş dəyirmi masa keçirilib

AzadAzərbaycan xəbər verir ki, Media və Yayım Şurasında “Azərbaycan mediasının Vətən müharibəsi salnaməsi” mövzusunda tədbir baş tutub. İclasda tarixi Zəfərin qazanılmasında milli mətbuatın rolu və vətəndaş məsuliyyəti ətrafında müzakirələr aparılıb.

Media subyektləri və jurnalistlərlə iş şöbəsinin müdiri Natiq Məmmədlinin moderatorluğu ilə keçirilən tədbirdə Prezident İlham Əliyevin müraciət və müsahibələrinin ölkəmizin haqlı mövqeyinin beynəlxalq aləmə çatdırılmasında müstəsna əhəmiyyəti diqqətə çatdırılıb.

Müzakirələr zamanı müharibə iştirakçısı olan jurnalistlər və media nümayəndələri çıxış edərək cəbhə zonasından dəqiq məlumatların ötürülməsi, düşmənin dezinformasiyalarının dəf edilməsi və ideoloji mübarizənin vacibliyini vurğulayıblar.

Tədbirin sonunda Vətən müharibəsinin gedişatını və tarixi Qələbəyə gedən yolu əks etdirən xüsusi videoçarx nümayiş etdirilib.