Azərbaycan və Gürcüstan komissiyasının iclasında müzakirə olunacaq mövzular

Azərbaycan və Gürcüstan arasında iqtisadi əməkdaşlıq üzrə birgə hökumətlərarası komissiyanın sabah baş tutacaq 11-ci toplantısında ticari-iqtisadi əlaqələrlə əlaqədar mühüm məsələlər nəzərdən keçiriləcək.

Gürcüstan Baş nazirinin müavini, iqtisadiyyat və dayanıqlı inkişaf naziri Mariam Kvrivişvili bildirib ki, görüş zamanı enerji, nəqliyyat, investisiya və ticarət sahələrində ikitərəfli əməkdaşlıq imkanları müzakirə olunacaq.

O, həmçinin əlavə edib ki, tərəflər iki ölkənin münasibətlərində xüsusi əhəmiyyət kəsb edən regional layihələr, xüsusilə də Orta Dəhliz çərçivəsində görülən işlər ətrafında fikir mübadiləsi aparmaq imkanı əldə edəcəklər.