İlham Zəkiyev övladları və həyatının ən çətin anları barədə danışıb

Azərbaycanın tanınmış üçqat Paralimpiya çempionu İlham Zəkiyev verdiyi müsahibədə həyatının müxtəlif məqamlarından və içindəki böyük arzularından bəhs edib.

O, əgər bir gün gözləri açılarsa, ilk növbədə övladlarını görmək istədiyini dilə gətirib və uşaqlarını hələ də görə bilmədiyini etiraf edib.

Keçirdiyi ağır müharibə xatirələrini bölüşən çempion güllənin sol gicgahından girib sağ tərəfdən çıxdığını xatırladaraq, həmin vaxt həkimlərin ailəsinə onun yaşayacağına ümid vermədiklərini bildirib.

İlham Zəkiyev məqsədyönlü insanların bütün çətinliklərə sinə gərərək istədiklərinə nail ola biləcəyini vurğulayıb. O, tatamiyə çıxarkən keçirdiyi hissləri dənizdəki balığın azadlığına bənzədib.