Azərbaycan XİN Əlcəzairi Milli Günü münasibətilə təbrik edib

Azərbaycan Xarici İşlər Nazirliyi Əlcəzairin Milli Günü münasibətilə bu ölkənin xalqına və hökumətinə təbrik ünvanlayıb.

AzadAzərbaycan xəbər verir ki, bununla bağlı diplomatik qurumun "X" sosial şəbəkəsindəki rəsmi səhifəsində müvafiq paylaşım edilib. Müraciətdə Əlcəzair Xalq Demokratik Respublikasının rəhbərliyinə və əhalisinə ən səmimi arzular ifadə olunub.

Qeyd edək ki, 1954-cü il noyabrın 1-də Əlcəzairdə Fransa müstəmləkəçiliyinə qarşı milli azadlıq hərəkatı və İstiqlal Müharibəsi başlayıb.