Bakıda ağır yol qəzası: Körpəsini arabada gəzdirən qadın maşın tərəfindən vuruldu

Paytaxtın Binəqədi rayonu ərazisində baş verən ağır yol qəzasında körpəsini uşaq arabasında aparan piyada vurulub. Hadisə nəticəsində xəsarət alan ana xəstəxanaya yerləşdirilib.

TƏBİB-dən verilən məlumata görə, ötən gün səhər saatlarında qeydə alınan hadisə yerinə dərhal təcili tibbi yardım briqadası cəlb olunub. Qadın və körpə Kliniki Tibbi Mərkəzə hospitalizasiya olunublar. Bədəninin müxtəlif nahiyələrində sırıqlar aşkar edilən 1990-cı il təvəllüdlü qadının müalicəsi davam etdirilir və vəziyyəti ağır olaraq qiymətləndirilir. Başından xəsarət alan 2025-ci il təvəllüdlü körpənin vəziyyəti isə qənaətbəxş olduğundan ambulator müalicə üçün evə buraxılıb.

Xocasən-Lökbatan yolunda baş verən hadisə ilə əlaqədar sürücü saxlanılıb və faktla bağlı cinayət işi başlanılıb. İlkin araşdırmalar zamanı sürücünün sükan arxasında yuxuya getdiyi məlum olub.