Gürcüstanın Azərbaycandan səfərlər üzrə qazancı 18 faizdən çox artıb

AzadAzərbaycan xəbər verir ki, cari ilin üçüncü rübündə Azərbaycandan Gürcüstana təşkil olunan səfərlər nəticəsində qonşu ölkənin büdcəsinə 78,8 milyon ABŞ dolları məbləğində vəsait daxil olub.

Gürcüstan Milli Bankının təqdim etdiyi statistik göstəricilərə əsasən, ötən ilin müvafiq dövrü ilə müqayisədə bu göstəricidə 18,6 faiz artım qeydə alınıb.

Bununla yanaşı, hesabat verilən dövr ərzində Gürcüstanın beynəlxalq səfərlərdən formalaşan ümumi gəlirləri 1 milyard 864,4 milyon ABŞ dollarına çatıb. Bu rəqəm ötən ilin eyni rübü ilə müqayisədə 11,9 faizlik yüksəliş deməkdir.