Hakan Fidan Qətərin baş naziri ilə regional gərginliyi müzakirə edib

AzadAzərbaycan xəbər verir ki, Qətərin Baş naziri və xarici işlər naziri Şeyx Məhəmməd bin Əbdülrəhman bin Casim əs-Sani ilə Türkiyənin XİN rəhbəri Hakan Fidan arasında telefon danışığı baş tutub.

Diplomatik mənbələrdən əldə olunan məlumata görə, tərəflər ikitərəfli əlaqələrin inkişaf perspektivlərini və regionda baş verən son prosesləri nəzərdən keçiriblər.

Müzakirələr zamanı əsas diqqət bölgədə gərginliyin səviyyəsinin aşağı salınması, eləcə də regional təhlükəsizlik və sabitliyin bərqərar olunması istiqamətində atılan addımlara yönəldilib.