Ukrayna iki ildə G7 ölkələrindən milyardlarla dollarlıq maliyyə dəstəyi alıb

Ukrayna iki il ərzində Rusiyanın dondurulmuş aktivlərindən əldə olunan gəlirlər hesabına G7 dövlətlərindən ümumilikdə 49,4 milyard dollar maliyyə vəsaiti əldə edib.

Bu barədə məlumat Ukrayna Maliyyə Nazirliyinin rəsmi hesabatlarında öz əksini tapıb. Sənədə əsasən, Kiyev hökuməti göstərilən dövr ərzində sözügedən mexanizm vasitəsilə mühüm dəstək alıb.

Bildirilir ki, tək 2026-cı ilin əvvəlindən bu yana ölkəyə təxminən 10,5 milyard dollar məbləğində vəsait köçürülüb.

Xatırladaq ki, 2024-cü ilin oktyabr ayında G7 ölkələrinin təmsilçiləri Rusiyanın dondurulmuş aktivlərindən gələn gəlirlər hesabına Kiyevə 50 milyard dollar kredit verilməsi ilə bağlı razılığa gəlmişdilər.