Xaçmazda Nəriman Nərimanov küçəsindəki park əsaslı bərpa olunur

Xaçmaz şəhərinin Nəriman Nərimanov küçəsində yerləşən və bir hektardan çox ərazini əhatə edən parkda genişmiqyaslı abadlıq və yenidənqurma işlərinə başlanılıb. İşlər "Şəhərsalma və Memarlıq İli" çərçivəsində həyata keçirilir.

Nəzərdə tutulmuş layihəyə əsasən, 6000 kvadratmetrdən çox sahədə yeni yaşıllıqlar salınacaq, çoxlu sayda ağaclar və dekorativ gül kolları əkiləcək. Şəhər sakinlərinin rahatlığı üçün piyada zolaqlarının 5000 kvadratmetrdən artıq hissəsinə yeni tamet plitələr döşənəcək, istirahət üçün müasir oturacaqlar qoyulacaq. Bunlarla yanaşı, parkdakı fəvvarələr yenilənir və işıqlandırma sistemi tamamilə modernləşdirilir.

Xaçmaz Rayon İcra Hakimiyyətinin başçısı Elnur Rzayev ərazidə yürüş edərək aparılan təmir-tikinti prosesi ilə yerində tanış olub. İcra başçısı yenidənqurma prosesinin müəyyən edilən qrafikə uyğun və keyfiyyətlə yekunlaşdırılması üçün cavabdeh şəxslərə müvafiq göstərişlər verib.

Bərpa və yenidənqurma tədbirləri tamamlandıqdan sonra park həm Xaçmaz sakinləri, həm də şəhərə gələn qonaqlar üçün müasir istirahət guşəsinə çevriləcək.