Bakıda və bölgələrdə hava yağmurlu keçəcək - HAVA PROQNOZU

AzadAzərbaycan xəbər verir ki, Milli Hidrometeorologiya Xidməti tərəfindən açıqlanan son hava proqnozuna görə, Bakı və Abşeron yarımadasında havanın dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir.

Bununla belə, axşam saatlarında yarımadanın bəzi hissələrində yağış yağacağı ehtimal olunur. Şimal-şərq küləyinin əsəcəyi bildirilir. Tempratur göstəriciləri gecə 13-15° isti, gündüz isə 16-19° isti təşkil edəcək. Atmosfer təzyiqi 769 mm civə sütunu, nisbi rütubət isə 55-65 faiz arasında dəyişəcək.

Ölkənin rayonlarında da bəzi bölgələrdə arabir yağış yağacağı gözlənilir. Xüsusilə şərq rayonlarında qısamüddətli leysan, şimşək və dolu ehtimalı var. Bəzi ərazilərdə arabir duman müşahidə olunacaq, şərq küləyi üstünlük təşkil edəcək.

Aran rayonlarında havanın temperaturu gecə 12-15° isti, gündüz 18-21° isti, dağlıq ərazilərdə isə gecə 0-5° isti, gündüz 5-9° isti olacaq.