Bəşir Süleymanlının məhkəməsində prokuror ona cəza istədi
AzadAzərbaycanRedaksiya“Vətəndaş Hüquqları” İnstitutunun rəhbəri Bəşir Süleymanlının cinayət işi üzrə məhkəmə prosesi başa çatmaq üzrədir. Dövlət ittihamçısı onun azadlıqdan məhrum edilməsini tələb edib.
“Vətəndaş Hüquqları” İnstitutunun rəhbəri Bəşir Süleymanlının cinayət işi üzrə məhkəmə istintaqı yekunlaşmaq üzrədir.
Bakı Ağır Cinayətlər Məhkəməsində hakim Vüqar Seyidovun sədrliyi ilə baş tutan iclasda prokuror çıxış edərək təqsirləndirilən şəxsin 3 il müddətinə vəzifə tutmaq hüququndan məhrum edilməklə 9 il müddətinə azadlıqdan məhrum olunmasını istəyib.
Müdafiə tərəfi isə çıxış etmək üçün məhkəmədən vaxt tələb edib. Növbəti məhkəmə iclası noyabrın 19-na təyin olunub.
Qeyd edək ki, Bəşir Süleymanlı ötən ilin mart ayında saxlanılıb. Ona qarşı Cinayət Məcəlləsinin vəzifə saxtakarlığı, çirkli pulların leqallaşdırılması və vəzifə səlahiyyətlərindən sui-istifadə maddələri ilə ittihamlar irəli sürülüb.
