Birləşmiş Ərəb Əmirliklərində neft sızması təhlükə yaradıb

Birləşmiş Ərəb Əmirliklərində cümə günündən etibarən tankerdən sızan neft ləkəsinin əraziyə yayılması ilə mübarizə aparılır.

Hakimiyyət orqanları yaranmış təhlükə səbəbindən çimərliklərin fəaliyyətini dayandırıb, həmçinin balıqçılara dənizə çıxmamaq barədə xəbərdarlıq edib.

Hazırda Ras əl-Xayme, Umm əl-Kayvayn və Şarjinin şimal sahillərində üzmək qadağan edilib.

Şarci, Acman və Umm əl-Kayveyn sakinləri havada qəribə qoxunun hiss olunduğunu bildiriblər. Səhiyyə Nazirliyi isə bu qoxunun insanların sağlamlığına mənfi təsir göstərmədiyini açıqlayıb.

Mütəxəssislərin fikrincə, neft sızması BƏƏ üçün ciddi risklər yaradır, çünki ölkə dəniz suyunun duzsuzlaşdırılması vasitəsilə içməli su ehtiyatının əhəmiyyətli hissəsini təmin edir və sahildəki sənaye obyektləri də məhz bu sistemin hesabına işləyir.