Rusiyada Çin təzyiqləri fonunda Kremldə yeni qarşıdurma başlayıb

Hərbi ekspert Oleq Jdanov "Kreml qüllələri" arasında yeni qarşıdurma mərhələsinin yarandığını bildirib. Onun sözlərinə görə, Çin və Rusiya liderləri arasında son dövrlər olduqca görüşlər və qızğın telefon danışıqları baş tutub.

Pekin hakimiyyəti Rusiyadan Uzaq Şərq və Sibir bölgələrində Çin şirkətlərinin investisiyalarına və fəaliyyətinə tam zəmanət verən uzunmüddətli müqavilələrin imzalanmasını tələb edir. Bu vəziyyət isə Moskvanı çətin seçim qarşısında qoyub.

Yaranmış gərginlik fonunda Kremldə fikir ayrılıqları dərinləşib. Bəzi məmurlar Çinlə razılığa gedərək sənədlərin tezliklə imzalanmasını təklif etsələr də, digər qrup bunun qəbuledilməz olduğunu və ölkənin maraqlarına zidd olduğunu müdafiə edir.