Dadlı və təravətli çay demləməyin sirri: suya iki ədəd atmaq kifayətdir

Gündəlik həyatda ən çox istehlak edilən içkilərdən olan çayın istənilən dadı və rəngi verməməsi, zamanla acılaşması və ya bulanıq qalması bir çox evdar qadının qarşılaşdığı problemlərdəndir. Çay ustalarının illərdir tətbiq etdiyi sadə üsullar sayəsində bu çətinliklərdən tamamilə qurtulmaq mümkündür.

Çay dəmləyərkən qaynar suyun birbaşa quru çay yarpaqlarına toxunması onları qaynadır və nəticədə içkidə acı dad yaranır. Dəmləmə suyuna iki ədəd mixək atmaq suyun sərtliyini azaldır, çayın təbii aromasını üzə çıxararaq içimi xeyli yumşaldır.

Bulanıq rəngin aradan qaldırılması üçün isə suya iki ədəd qənd əlavə edilir. Bu üsul çayı şirinləşdirmək məqsədi daşımır, əksinə, kimyəvi reaksiyanı sürətləndirərək sudakı səthi gərginliyi qırır və çay zərrəciklərinin sürətlə dibə çökməsini təmin edir.

Usta qaydası ilə düzgün çay demləmək üçün qaynayan suyu üst dəmliyə tökdükdən sonra hərarətinin səngiməsini gözləmək və qeyd olunan materialları isti suya əlavə etmək lazımdır. Daha sonra quru çay yarpaqlarını suyun üzərinə səpərək alt dəmliyin buxarında on beş dəqiqə dəmlənməyə buraxmaq tövsiyə olunur.

AzadAzərbaycan xəbər verir ki, bu üsulla hazırlanan çayuzun müddət qaldıqda belə acılaşmır və son stəkana qədər ilk anki təravətini, həmçinin şəffaf parlaqlığını qoruyub saxlayır.