İranda növbəti terror aktının qarşısı alınıb, saxlanılanlar var

AzadAzərbaycan xəbər verir ki, İranın Sistan və Bəlucistan vilayətində təhlükəsizlik qüvvələrini hədəf alan terror aktının qarşısı müvvəffəqiyyətlə alınıb. Bu barədə İslam İnqilabı Keşikçiləri Korpusu (SEPAH) rəsmi məlumat yayıb.

Bildirilib ki, radikal qruplaşma bölgədəki hərbi qərargahlara hücum təşkil etməklə yanaşı, Zərabad-Kənarak magistral yolunu da bağlamağı planlaşdırıbmış. Lakin operativ müdaxilə nəticəsində yerli sakinlərin təhlükəsizliyinə yönələn təhlükə dərhal sovuşdurulub.

Keçirilən əməliyyat nəticəsində terrorçulardan biri zərərsizləşdirilib, bir neçə nəfər isə saxlanılıb. Hazırda hadisə yerindən qaçmağa müvəffəq olan digər üzvlərin də tutulması istiqamətində intensiv tədbirlər davam etdirilir.