İraq İran və Küveyt sərhədlərində təhlükəsizlik tədbirlərini gücləndirdi

AzadAzərbaycan xəbər verir ki, İraq Silahlı Qüvvələri mümkün risklərin və fəsadların qarşısını almaq məqsədilə İran və Küveyt ilə olan sərhəd zonalarında genişmiqyaslı təhlükəsizlik tədbirləri həyata keçirir.

Bölgədən daxil olan məlumatlara əsasən, sərhəd zolağına yaxınlaşan istənilən şübhəli şəxsə və ya hərbi qrupa dərhal xəbərdarlıq etmədən atəş açılması ilə bağlı ordunun müvafiq bölmələrinə qəti tapşırıq verilib.

Eyni zamanda, İraq ordusunun 17-ci diviziyasının komandanlığı da yerini dəyişərək Bağdaddan Kərkük əyalətinə dislokasiya olunub. Həmin diviziyanın hazırda Kürdüstan muxtar bölgəsi ilə həmsərhəd ərazilərdə yerləşdirildiyi bildirilir.